Boks bo‘yicha JCH—2023. Ruslan Abdullayev puerto-rikolik raqibiga imkon qoldirmadi va keyingi bosqich masalasini hal qildi

Toshkent mezbonlik qilayotgan boks bo‘yicha Jahon chempionatining ikkinchi kungi bahslari 2-may, seshanba kuni bo‘lib o‘tdi.

-63,5 kg vazn toifasida harakat qiladigan Ruslan Abdullayev Puerto-Riko vakili Manuel Febusga qarshi ringga ko‘tarildi. 

Birinchi raundda Abdullayev raqibiga imkon qoldirmadi va har jabhada ustunlik qildi. Ikkinchi raund ham Ruslanning foydasiga hal bo‘ldi. Uchinchi raunddan keyingi natijalarga ko‘ra Abdullayev g‘alaba qozondi va keyingi bosqichga chiqdi.

Ikkinchi kungi bahslarda yana ikki nafar o‘zbekistonlik bokschi o‘z jangini o‘tkazadi. -86 kg vazn toifasida Shohjahon Abdullayev Erkin Adilbek Uuluga (Qirg‘iziston) qarshi, -80 kgda Jasurbek Yo‘ldoshev jazoirlik Yunus Nemouchiga qarshi ringga chiqadi. 

Ma’lumot uchun, birinchi kungi bahslarda Mujibillo Tursunov hindistonlik raqibini yengib, keyingi bosqich masalasini hal qilgandi.