Toshkent shahrida xorijdan olib kirilishi taqiqlangan 840 million so‘mlik uskunalar ushlab qolindi. Bu haqda Bojxona boshqarmasi axborot xizmati xabar berdi.
Xabarga ko‘ra, holat “Arkbuloq” tashqi iqtisodiy faoliyat bojxona postida Kontrabandaga qarshi kurashish bo‘limi hamda ushbu post xodimlari tomonidan aniqlangan. Xorijdan poytaxtdagi korxona nomiga keltirilgan, “erkin muomalaga chiqarish” bojxona rejimiga rasmiylashtirish uchun taqdim etilgan 14 dona transformator qismlari tovarlari xodimlar tomonidan belgilangan tartibda bojxona ko‘rigidan o‘tkazildi.
O‘tkazilgan tekshiruvlar natijasida qiymati 840 million so‘mni tashkil etuvchi transformator qismlarida, yorliqlarida 2009-yilda ishlab chiqarilgani, muqaddam foydalanishda bo‘lgani aniqlandi.
Mamlakatga 2019-yil 1-sentabrdan boshlab ilgari foydalanilgan generator uskunalari, kuchlanishni pasaytiruvchi transformatorlar, elektr dvigatellar, shuningdek, energiya samaradorligi D toifadagi energiya sarflovchi uskunalarni olib kirish taqiqlangan.
Izoh (0)