Namangan viloyati Davlatobod tumanida qalbaki xorij valyutasining muomalaga kiritilishiga chek qo‘yildi, deb xabar beradi viloyat IIB axborot xizmati.
Qayd etilishicha, 25-aprel kuni viloyat IIB JQB, shahar IIO FMB JQB xodimlari tomonidan tezkor tadbir o‘tkazilgan. Tadbirda Davlatobod tumani “Davlatobod” MFYda joylashgan ko‘p qavatli uy oldida shu tumanda yashovchi 43 yoshli fuqaro 39 dona qalbaki 100 AQSH dollarini 1 000 dollarga almashtirayotgan vaqtida ushlangan.
Holat bo‘yicha Davlatobod tumani IIB huzuridagi Tergov bo‘limi tomonidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) 1-qismi bilan jinoyat ishi qo‘zg‘atilgan.
Qalbaki pullar muomalasi
Aprel boshlarida Toshkent shahri Yangihayot tumanida xaridor qalbaki pulga iPhone sotib olgani, Toshkent viloyati Angren shahrida qalbaki pullar muomalaga kiritilishining oldi olingani to‘g‘risida xabar berilgandi.
2022-yil noyabrida Namangan viloyatida qalbaki 8 300 dollarni muomalaga kiritishga uringan shaxs ushlangan edi. Dekabrda bo‘lsa Namanganda MIB idorasida qalbaki 10 000 dollar yoqib yuborilgan
Izoh (0)