Sian shahrida 27-aprel kuni Markaziy Osiyo—Xitoy 4-vazirlar uchrashuvi o‘tkazildi. Bu haqda O‘zbekiston tashqi ishlar vaziri Baxtiyor Saidov xabar berdi.
Tadbir kun tartibidan izchil rivojlanish, o‘zaro bog‘liqlikni mustahkamlash, innovatsiya va bilimlar almashinuvi, muntazam aloqalar, tinchlik va barqarorlikni ta’minlash masalalari o‘rin oldi.
O‘zbekiston delegatsiyasi Sianga safari davomida BYD kompaniyasida bo‘lgan. Ekologik toza avtomobillarni yig‘ish va ishlab chiqarish orqali BYD’ning O‘zbekistondagi faoliyatini kengaytirish kun tartibidagi asosiy mavzu bo‘lgan.
“Sian shahridagi yana bir manzil quyosh panellarini yetkazib berishda yetakchi LONGi Solar kompaniyasi bo‘ldi. Hozirda mamlakatimiz yashil iqtisodiyotga o‘tmoqda. Mazkur kompaniya asoschisi va prezidenti Li Chjengo janoblarini mintaqadagi ulkan salohiyatimizni o‘rganish maqsadida O‘zbekistonga taklif qildik”, — deb yozadi vazir.
Izoh (0)