Сиань шаҳрида 27 апрель куни Марказий Осиё—Хитой 4-вазирлар учрашуви ўтказилди. Бу ҳақда Ўзбекистон ташқи ишлар вазири Бахтиёр Саидов хабар берди.
Тадбир кун тартибидан изчил ривожланиш, ўзаро боғлиқликни мустаҳкамлаш, инновация ва билимлар алмашинуви, мунтазам алоқалар, тинчлик ва барқарорликни таъминлаш масалалари ўрин олди.
Ўзбекистон делегацияси Сианга сафари давомида BYD компаниясида бўлган. Экологик тоза автомобилларни йиғиш ва ишлаб чиқариш орқали BYD’нинг Ўзбекистондаги фаолиятини кенгайтириш кун тартибидаги асосий мавзу бўлган.
“Сиань шаҳридаги яна бир манзил қуёш панелларини етказиб беришда етакчи LONGi Solar компанияси бўлди. Ҳозирда мамлакатимиз яшил иқтисодиётга ўтмоқда. Мазкур компания асосчиси ва президенти Ли Чженго жанобларини минтақадаги улкан салоҳиятимизни ўрганиш мақсадида Ўзбекистонга таклиф қилдик”, — деб ёзади вазир.
Изоҳ (0)