Qozog‘istonning Jetisu viloyatida sakkiz yoshli bola g‘ayrioddiy tajriba o‘tkazishga qaror qildi. U polietilen paketni ko‘tarib, beshinchi qavat derazasidan sakradi. Bu haqda “Daryo”ning Qozog‘istondagi muxbiri xabar berdi.
Baxtsiz hodisa fojia bilan yakunlanishi mumkin edi, lekin daraxt shoxlari bolaning jiddiy oqibatlarsiz yerga tushishini yumshatgan.
“Ayni damda bolaning ahvoli barqaror, u bel sohasida olgan jarohat bilan Toldiqo‘rg‘on shahridagi kasalxonaga yotqizilgan”, — deydi qutqaruvchilar.
Shu kuni Kostanayda bir yashar bola 3-qavatdagi derazadan tushib ketib, mo‘jizaviy tarzda omon qolgan. Bola qarovsiz qoldirilgan va ochiq turgan deraza tokchasiga chiqqan. U yopiq bosh jarohati bilan kasalxonaga yetkazilgan.
Qutqaruvchilar qozog‘istonliklarni ogohlantirib, bolalarni qarovsiz qoldirmaslikni so‘ramoqda. Xavfsizlik nuqtayi nazaridan, derazalarga chivin to‘rlari emas, panjara o‘rnatish so‘ralgan.
Talgat Satibaldi, Ostona
Izoh (0)