Polsha shimolida noma’lum “havo harbiy obyekti” qoldiqlari topildi, dedi Adliya vaziri Zbignev Zebro. Unga ko‘ra, obyekt bo‘laklari Bidgosh shahri yaqinidagi o‘rmondan topilgan.
Polsha Milliy mudofaa vazirligining aniqlik kiritishicha, “vaziyat aholi xavfsizligiga tahdid solmaydi”.
RMF FM radiostansiyasi jurnalistlarining ta’kidlashicha, aniqlangan obyekt — “havo-yer” sinfidagi raketa. Uning bo‘laklari ikki kun avval topilgan, biroq raketa Polsha hududiga “ancha vaqt oldin” qulagan bo‘lishi mumkin. Jurnalistlarning so‘zlariga ko‘ra, raketaning uzunligi bir necha metr bo‘lib, yerga sanchilib qolgan, uning ustida rus tilidagi yozuvlar aniqlangan.
2022-yil noyabr oyida Rossiya qo‘shinlarining Ukrainaga keng ko‘lamli zarbasi paytida Polsha hududiga raketa qulagan edi, oqibatda ikki kishi halok bo‘lgan. Dastlab, raketa Rossiya tomonidan uchirilgan deb taxmin qilingan, ammo tez orada G‘arb davlatlari bu Ukraina havo hujumidan mudofaa tizimining rus raketasini qaytarish uchun otgan raketasi degan xulosaga keldi. Ukraina raketa Rossiyaniki ekanini bir necha bor ta’kidladi. G‘arbdagilar raketaning qulashi uchun javobgarlik Rossiya zimmasida ekani, chunki Ukrainadagi urushni aynan u boshlaganini aytishdi.
Izoh (0)