Mart oyida O‘zbekiston banklarida chet el valyutasidagi (asosan dollar) kreditlar bo‘yicha foiz stavkalari rekord darajada yuqori bo‘ldi. Bu haqda Markaziy bank xabar berdi.
Xorijiy valyutadagi uzoq muddatli kreditlar bo‘yicha o‘rtacha foiz stavkasi o‘tgan oy 8,9 foizni tashkil qilgan. Bu o‘tgan oyga nisbatan 0,8 foizga, bir yil oldingi ko‘rsatkichga nisbatan esa 2,7 foizga ko‘proq.
Qisqa muddatli kreditlar foizi ham bir yilda 2,5 foizga oshib 8,7 foizni tashkil qilgan. Ular 2019-yilning dekabrida ham o‘rtacha 8,7 foizdan ajratilgan edi.
Chet el valyutasidagi kreditlar foizi yuqori bo‘lishiga qaramasdan aholi omonatlari uchun o‘rtacha foiz stavkalari mart oyida pasayib, 4,2 foiz bo‘lgan.
Kompaniyalar uchun omonatlar esa yil boshidan beri 1,1 foizga pasayib, 3,2 foiz bo‘lib turibdi.
Avvalroq O‘zbekistonda mart oyi uchun eng foydali iste’mol kreditlari reytingi e’lon qilingandi.
Izoh (0)