O‘zbekistonda yangi kartoshka narxi pasayib ketdi. Bu haqda EastFruit xabar berdi.
2023-yil 7-aprel holatiga ko‘ra, ushbu mahsulotning o‘rtacha ulgurji narxi o‘tgan yilning shu sanasiga nisbatan 1,8 baravar yuqori bo‘lgan.
Biroq yangi kartoshka narxi tez pasayish tendentsiyasiga ega. Oxirgi ikki hafta ichida ushbu mahsulotlarning o‘rtacha ulgurji narxi 2,3 barobarga arzonlashdi. Ana shunday keskin pasayish natijasida joriy ulgurji narxlar o‘tgan yilgi ko‘rsatkichlarga tenglashdi.
EastFruit narxlari monitoringiga ko‘ra, 7-apreldan 21-aprelgacha erta yig‘ib olingan kartoshkaning o‘rtacha ulgurji narxi 16 ming so‘mdan 7 ming so‘m/kgga, ya’ni ikki hafta ichida 2 barobardan ko‘prog‘ga tushdi.
Bu, o‘z navbatida, O‘zbekiston ichki bozorida ushbu mahsulot taklifi keskin oshganidan dalolat beradi.
Shu bilan birga, yangi kartoshka yetkazib berishning keskin ortishi, ushbu mahsulot narxining keskin pasayishi va natijada o‘tgan yilgi kartoshkaning ulgurji narxlari bilan farqning qisqarishi eski kartoshka narxiga bosim o‘tkazdi.
Natijada, o‘tgan haftada o‘tgan yilgi kartoshkaning ulgurji narxlari ham keskin pasaydi, 2023-yil 14-apreldan 21-aprelgacha ushbu mahsulotning o‘rtacha ulgurji narxi 4 mingdan 3 ming so‘m/kg gacha pasaydi.
2023-yil 21-aprel holatiga ko‘ra, o‘tgan yilgi kartoshkaning o‘rtacha ulgurji narxi o‘tgan yilning shu sanasiga nisbatan chorak baravar past bo‘lgan.
Avvalroq O‘zbekistonda kartoshka yetishtiruvchilarga imtiyozli mablag‘lar ajratilishi haqida xabar berilgandi.
Izoh (0)