Qishdan so‘ng, Yevropa Ittifoqi gaz omborlarida 10 yildan ortiq vaqt ichida ilk bor rekord darajadagi gaz hajmini saqlab turibdi va Rossiyadan importni minimallashtirishga umid qilmoqda. Bu haqda Financial Times xabar berdi.
Gas Infrastructure Europe sanoat tashkiloti ma’lumotlariga ko‘ra, aprel oyi boshida Ittifoqning omborlari 55,7 foizga to‘lgan, bu kamida 2011-yildan beri eng yuqori ko‘rsatkichdir.
Bu ham oldingi besh yildagi o‘rtacha ko‘rsatkichdan qariyb 20 foiz punktga yuqori. So‘nggi ikki haftada esa undan ham ko‘proq oshib, 56,5 foizga yetdi.
Yevropa Ittifoqining gaz omborlari yarmidan to‘lgan, bu esa biz bu isitish mavsumini qulay sharoitda yakunlaganimiz belgisi. Endilikda YIda Rossiyadan suyultirilgan gaz importini kamaytirish uchun ko‘proq imkoniyat bor, — dedi Yevropa Ittifoqining energetika bo‘yicha komissari Kadri Simson.
Uning fikricha, qayta tiklanadigan energiya ulushini oshirish va manbalarni diversifikatsiya qilish ba’zi Ittifoqqa a’zo davlatlarga Rossiya suyultirilgan gazidan butunlay voz kechish imkonini beradi.
Avvalroq Yevropa Ittifoqining gaz importi uchun xarajatlari uch baravar oshgani haqida xabar berilgandi.
Izoh (0)