Ўзбекистонда янги картошка нархи пасайиб кетди. Бу ҳақда EastFruit хабар берди.
2023 йил 7 апрель ҳолатига кўра, ушбу маҳсулотнинг ўртача улгуржи нархи ўтган йилнинг шу санасига нисбатан 1,8 баравар юқори бўлган.
Бироқ янги картошка нархи тез пасайиш тенденциясига эга. Охирги икки ҳафта ичида ушбу маҳсулотларнинг ўртача улгуржи нархи 2,3 баробарга арзонлашди. Ана шундай кескин пасайиш натижасида жорий улгуржи нархлар ўтган йилги кўрсаткичларга тенглашди.
EastFruit нархлари мониторингига кўра, 7 апрелдан 21 апрелгача эрта йиғиб олинган картошканинг ўртача улгуржи нархи 16 минг сўмдан 7 минг сўм/кгга, яъни икки ҳафта ичида 2 баробардан кўпроғга тушди.
Бу, ўз навбатида, Ўзбекистон ички бозорида ушбу маҳсулот таклифи кескин ошганидан далолат беради.
Шу билан бирга, янги картошка етказиб беришнинг кескин ортиши, ушбу маҳсулот нархининг кескин пасайиши ва натижада ўтган йилги картошканинг улгуржи нархлари билан фарқнинг қисқариши эски картошка нархига босим ўтказди.
Натижада, ўтган ҳафтада ўтган йилги картошканинг улгуржи нархлари ҳам кескин пасайди, 2023 йил 14 апрелдан 21 апрелгача ушбу маҳсулотнинг ўртача улгуржи нархи 4 мингдан 3 минг сўм/кг гача пасайди.
2023 йил 21 апрель ҳолатига кўра, ўтган йилги картошканинг ўртача улгуржи нархи ўтган йилнинг шу санасига нисбатан чорак баравар паст бўлган.
Аввалроқ Ўзбекистонда картошка етиштирувчиларга имтиёзли маблағлар ажратилиши ҳақида хабар берилганди.
Изоҳ (0)