Toshkent viloyatining Bo‘stonliq tumanida kvadratsiklda harakatlanib ketayotgan ikki fuqaro jarlikka tushib ketdi. Bu haqda Favqulodda vaziyatlar vazirligi axborot xizmati xabar berdi.
Xabarga ko‘ra, holat 25-aprel kuni soat 17:02 da Chimyonda sodir bo‘lgan. Yong‘in-qutqaruv otryadiga Bo‘stonliq tumani Chimyon tog‘idagi Qiziljar hududida ikki nafar fuqaro kvadratsiklda harakatlanib ketayotgan vaqtida o‘zlarining ehtiyotsizligi natijasida boshqaruvni yo‘qotib, jarlikka tushib ketgani to‘g‘risida xabar kelib tushgan.
Hodisa joyiga FVV qutqaruvchilari yetib borib, tan jarohati olgan fuqarolarga amaliy yordam ko‘rsatdi va tez tibbiy yordam xodimlariga topshirildi. Hozirda ularning sog‘lig‘i yaxshi va shifokorlar nazoratida.
Izoh (0)