Buxoro shahrida 25-aprel kuni haydovchi boshqaruvni yo‘qotishi oqibatida Spark ariqqa tushib ketdi. Viloyat Ichki ishlar boshqarmasi axborot xizmati holat yuzasidan maʼlumot berdi.
Xabarga ko‘ra, 25-aprel kuni soat taxminan 00:12 larda Buxoro shahri Hofiz Tanish Buxoriy ko‘chasidan Zulfiya ko‘chasi tomon harakatlanib borayotgan Spark haydovchisi boshqaruvni yo‘qotishi oqibatida yo‘l yoqasidagi beton ariqqa tushib ketgan.
Mazkur yo‘l-transport hodisasi natijasida Spark avtomashinasida bo‘lgan bir nafar yo‘lovchi va haydovchi yengil tan jarohati olgan. Mazkur yo‘l transport hodisasi yuzasidan Buxoro shahar ichki ishlar organlari faoliyatini muvofiqlashtirish boshqarmasi JXX YHXB xodimlari tomonidan surishtiruv harakatlari olib borilmoqda.
Izoh (0)