Тошкент вилоятининг Бўстонлиқ туманида квадратциклда ҳаракатланиб кетаётган икки фуқаро жарликка тушиб кетди. Бу ҳақда Фавқулодда вазиятлар вазирлиги ахборот хизмати хабар берди.
Хабарга кўра, ҳолат 25 апрель куни соат 17:02 да Чимёнда содир бўлган. Ёнғин-қутқарув отрядига Бўстонлиқ тумани Чимён тоғидаги Қизилжар ҳудудида икки нафар фуқаро квадратциклда ҳаракатланиб кетаётган вақтида ўзларининг эҳтиётсизлиги натижасида бошқарувни йўқотиб, жарликка тушиб кетгани тўғрисида хабар келиб тушган.
Ҳодиса жойига ФВВ қутқарувчилари етиб бориб, тан жароҳати олган фуқароларга амалий ёрдам кўрсатди ва тез тиббий ёрдам ходимларига топширилди. Ҳозирда уларнинг соғлиғи яхши ва шифокорлар назоратида.
Изоҳ (0)