YCHL. “Manchester Siti” javob bahsida “Bavariya” bilan durang o‘ynadi, “Inter” ham “Benfika”ni yengolmadi (video)

Futbol bo‘yicha Yevropa Chempionlar Ligasining chorak final javob bahsi doirasidagi ikkita o‘yin 19-aprel, chorshanba kuni bo‘lib o‘tdi.

“Bavariya” o‘z maydonida “Manchester Siti”ni qabul qildi. Uchrashuvning birinchi bo‘limida darvozalar daxlsiz qoldi. 57-daqiqada Erling Holand maydon egalarini oldinga olib chiqdi. Bunga myunxenliklar 83-daqiqada Yozua Kimmixning penaltidan urgan goli bilan javob qaytardi.

Shu tariqa ingliz klubi dastlabki o‘yindagi g‘alaba (3:0) evaziga yarim final yo‘llanmasiga ega bo‘ldi va u yerda “Real”ga qarshi bahs olib boradi.

Yana bir o‘yin “Inter” va “Benfika” jamoalari o‘rtasida kechdi. Mazkur bahs 3:3 hisobidagi jangovar durang bilan yakunlandi. Nikolo Barella, Lautaro Martines va Xoakin Korreaning gollariga mehmonlar ham uchta to‘p bilan javob qaytardi.

“Inter” birinchi o‘yindagi g‘alaba evaziga keyingi bosqich masalasini hal qildi. Jamoa final yo‘llanmasi uchun hamshahari “Milan”ga qarshi saf tortadi.

YCHL

¼ final, javob bahslari

19-aprel, chorshanba

“Bavariya” (Germaniya) – “Manchester Siti” (Angliya) 1:1

Gollar: 0:1 – 57 Holand, 1:1 – 83, penalti Kimmix.

“Bavariya”: Zommer, Pavar (Stanishich, 77), Upamekano, de Ligt, Joau Kanselu (Devis, 63), Goretska, Kimmix, Koman, Sane (Mane, 64), Musiala (Myuller, 72), Shupo-Moting (Tel, 71).

“Manchester Siti”: Ederson, Ake (Lyaport, 66), Ruben Diash, Akanji, Stounz, Gundo‘g‘an, de Bryuyne (Uoker, 88), Grilish, Bernardu Silva, Rodri, Holand (Alvares, 84).

Ogohlantirishlar: Joau Kanselu (11), Upamekano (35), Ederson (44), Gundo‘g‘an (45), Kimmix (45), Ake (54), Pavar (60), Lyaport (86), Stanishich (88).

Dastlabki bahs – 0:3

“Inter” (Italiya) – “Benfika” (Portugaliya) 3:3

Gollar: 1:0 – 14 Barella, 1:1 – 38 Eursnes, 2:1 – 65 Martines, 3:1 – 78 Korrea, 3:2 – 86 Antoniu Silva, 3:3 – 90 Musa.

“Inter”: Onana, Dumfris, Darmian, Acherbi, Bastoni (D`Ambrozio, 80), Dimarko (Gozens, 80), Mxitaryan, Brozovich, Barella (Chalxono‘g‘lu, 76), Djeko (Lukaku, 76), Martines (Korrea, 76).

“Benfika”: Vlaxodimos, Jilberto (Neres, 46), Otamendi, Antoniu Silva, Grimaldo, Joau Mariu (Skellerup, 89), Rafa Silva (Joau Nevesh, 80), Eursnes, Shikinyu (Musa, 80), Florentinu, Gonsalu Ramush (Gedesh, 74).

Ogohlantirishlar: Rafa Silva (49), Musa (81), Neres (90).

Dastlabki bahs – 2:0