Rossiya futbol ittifoqi (RFS) Markaziy Osiyo futbol assotsiatsiyasi tomonidan tashkil etiladigan CAFA musobaqasida ishtirok etmasligini ma’lum qildi.
RFS bosh kotibi Maksim Mitrofanov bu haqda ma’lum qilgan.
“CAFA’ga rasmiy xat yubordik. Hamkasblarga minnatdorchilik bildirdik. Afsuski, taklifni rad etishga majbur bo‘ldik.
Bu masala borasida qator savollar bor edi. Futbolchilarga katta yuklama tushib ketardi. Biz kamida to‘rtta o‘yin o‘tkazmoqchi edik, havo esa issiq. Bir nechta terma jamoa qatnashishini inobatga olsak, musobaqaga ajratilgan muddat ham qisqa”, — deydi Mitrofanov.
Avvalroq Rossiya 9—21-iyun kunlari Toshkent va Bishkek mezbonligida o‘tadigan CAFA musobaqasida ishtirok etishi mumkinligi va Rossiyaning “Gazprom” kompaniyasi turnirga homiylik qilishi xabar qilingandi.
Mazkur musobaqada O‘zbekiston, Eron, Qirg‘iziston, Tojikiston, Turkmaniston va Afg‘oniston terma jamoalari ishtirok etadi.
Izoh (0)