Turkiyalik rejissyorlar va ssenariy mualliflari tomoshabinlarni jalb qilish uchun jozibali personajlar bilan yorqin loyihalar yaratish an’anaga aylangan. Turk seriallarida ko‘rsatilgan hamma sevib tomosha qiladigan ko‘p narsalarning haqiqiy hayotga aloqasi yo‘q. Birinchi farq — erkaklarning notanish qizlarga munosabati. “Eshigimni taqillat” teleserialida bosh qahramonlar uchrashganlaridan so‘ng deyarli bir-biriga kishandek bog‘lanadi. Serkan boshidanoq Edaning shaxsiy chegarasini buzib o‘tadi. Aslida, Turkiyada erkaklar notanish qizlarga yaqinlashmaydilar.
Ikkinchi farq — baland poshnalarga bo‘lgan muhabbat. Turkiyada poshnali poyabzal kiygan qizlarni kamdan kam uchratasiz, ammo film seriyalarida ko‘plab qahramonlar deyarli har bir sahnada to‘pig‘i baland poyabzallarda ko‘rinish beradi.
Uchinchi farq — ochiq-sochiq kiyim tanlash. “Eshigimni taqillat”, “Sovg‘a” va “Sevgi, aql, qasos” seriallari qahramonlari ekranda ko‘pincha kalta ko‘ylak va yubkalar kiygan obrazlarda namoyon bo‘ladi. Haqiqiy hayotda esa turk ayollari baland poshnali tufli bilan haddan tashqari kalta kiyim kiymaydilar.
To‘rtinchi farq — ijtimoiy teng bo‘lmagan nikohlar. Turkiyada boy yigitlar kambag‘al qizlarga kamdan kam uylanadi va seriallarda esa xuddi shunday bo‘ladi. Shu kabi syujet “Sendan ham go‘zal” loyihasida ko‘rsatilgan. Turk seriallarining yana bir ixtirosi — “oqbadan” ya’ni terisining rangi yorqin oq bo‘lgan personajlarning seriallarda rol o‘ynashidir. Ko‘pincha, asosiy va ikkinchi darajali rollarni ijro etgan aktyorlar yevropaliklarga o‘xshaydi, ularning rangi bug‘doyrang ham emas. Aslida, turklar qoramag‘iz badanlarini saqlab qolish uchun muntazam ravishda plyajlarda vaqt o‘tkazadilar.
Izoh (0)