Xalqaro energetika agentligi (IEA) bayonotida aytilishicha, Yevropa Ittifoqi (YI) davlatlari 2022-yilda yuqori narxlar tufayli gaz importiga sarflagan xarajatlarini o‘tgan yilga nisbatan uch baravar ko‘paytirdi — deyarli 400 milliard yevro. Bu haqda “TASS” xabar berdi.
Talabning tarixiy pasayishiga qaramay, 2022-yilda Yevropa Ittifoqining gaz importiga sarflagan xarajatlari deyarli 400 milliard yevroni tashkil etdi, bu 2021-yilga nisbatan uch baravar ko‘p, — deyiladi hisobotda.
Rossiyaning YI tabiiy gazga bo‘lgan umumiy talabidagi ulushi 2021-yildagi 40 foizdan 2022-yil oxiriga kelib 10 foizdan ham kamroqqa tushdi, ammo narxlarning keskin o‘sishi Rossiyaga 2022-yil davomida sezilarli daromad keltirdi.
IEA ma’lumotlariga ko‘ra, 2022-yilda Rossiyaning Yevropa Ittifoqiga gaz eksportidan tushgan daromadi bir yil avvalgi 41 milliard dollardan 94 milliard dollarga, Norvegiya — 33 milliard dollardan 111 milliard dollarga, Jazoir — 11 milliard dollardan 20 milliard dollargacha oshgan.
Yevropa Ittifoqining boshqa yetkazib beruvchilardan LNG sotib olishga sarflagan xarajatlari 32 milliard dollardan 121 milliard dollarga, deyarli to‘rt baravar ko‘paydi.
Umuman olganda, Yevropada tabiiy gaz iste’moli 2022-yilda 13 foizga kamaydi, bu mintaqadagi talabning eng katta pasayishi hisoblanadi.
Avvalroq Yevropada gaz narxi 2021-yil iyuldan beri eng past darajaga tushgani haqida xabar berilgandi.
Izoh (0)