Andijon tumani hokimligi yetakchi mutaxassisi hokimlik binosi oldida 200 AQSH dollarini olayotganda qo‘lga olindi. Bu haqda “Daryo” manbasi xabar bermoqda.
Taʼkidlanishicha, Andijon tuman hokimligi oila va xotin-qizlar bo‘limi yetakchi mutaxassisi F.A. xizmat mavqeyidan foydalanib, fuqaro X.K.ni aldab, uni tumandagi mahallalardan biriga o‘zining yordami bilan xotin-qizlar faoli vazifasiga ishga kirgizganini aytib, evaziga 500 AQSH dollari talab qilgan. Shundan so‘ng X.K. ushbu holat yuzasidan huquqni muhofaza qiluvchi organlarga murojaat qilgan. Uning murojaatiga asosan tezkor tadbir o‘tkazilganida F.A. talab qilingan pullar hisobidan 200 AQSH dollarini tuman hokimligi binosi oldida olgan vaqtida daliliy ashyolar bilan ushlangan.
Holat bo‘yicha Jinoyat kodeksining 210 yoki 168-moddasi bo‘yicha ishi qo‘zg‘atilgan bo‘lishi mumkin.
Avvalroq Izboskan tumani hokimi o‘rinbosari 500 dollar pora olayotganida qo‘lga tushgani haqida xabar qilingandi.
Izoh (0)