Andijon viloyati hokimiga qishloq va suv xo‘jaligi masalalari bo‘yicha o‘rinbosar tayinlandi. Bu haqda O‘zA xabar berdi.
Xabarga ko‘ra, Avazbek Ergashev Yoqubjonovich Andijon viloyati hokimining qishloq va suv xo‘jaligi masalalari bo‘yicha o‘rinbosari lavozimiga tayinlandi. U tayinlovga qadar O‘zbekiston Urug‘chilikni rivojlantirish markazi direktorining o‘rinbosari lavozimida ishlagan.
Avazbek Ergashev 1966-yilda Oltinko‘l tumanida tug‘ilgan. Andijon paxtachilik instituti (hozirgi Andijon qishloq xo‘jaligi va agrotexnologiyalar instituti)ni tamomlagan. 2006-yil 18-yanvardan buyon Qo‘rg‘ontepa tumaniga rahbarlik qilib kelgan. 2015—2019-yillarda Oliy Majlis Senati a’zosi bo‘lgan.
Izoh (0)