Qashqadaryo viloyati Qamashi tumanidagi bog‘cha va maktabda tanlov yakuniga yetmasdan quyosh paneli o‘rnatilgani aniqlandi. Viloyat Maktabgacha va maktab taʼlimi boshqarmasi bunga munosabat bildirdi.
Xabarga ko‘ra, holat masʼullar ishtirokida atroflicha o‘rganildi. Quyosh panellari Qamashi tumanidagi 1-sonli DMTTdan tashqari tumandagi 91-sonli umumiy o‘rta taʼlim maktablariga tanlov yakuniga yetmasdan turib o‘rnatilgan holati aniqlandi.
Holat yuzasidan tegishli tartibda masʼul tashkilotlar ishtirokida o‘rganish ishlari amalga oshirilib, yuqorida nomlari qayd etilgan maktab va maktabgacha taʼlim muassasasiga o‘rnatilgan quyosh panellari tadbirkor ishtirokida yechilib, olib ketilish choralari ko‘rilmoqda.
Qayd etilishicha, aniqlangan kamchiliklarga befarq bo‘lmaslik yuzasidan tegishli masʼul xodimlarga tushuntirish ishlari amalga oshirilgan.
Izoh (0)