Қашқадарё вилояти Қамаши туманидаги боғча ва мактабда танлов якунига етмасдан қуёш панели ўрнатилгани аниқланди. Вилоят Мактабгача ва мактаб таълими бошқармаси бунга муносабат билдирди.
Хабарга кўра, ҳолат масъуллар иштирокида атрофлича ўрганилди. Қуёш панеллари Қамаши туманидаги 1-сонли ДМТТдан ташқари тумандаги 91-сонли умумий ўрта таълим мактабларига танлов якунига етмасдан туриб ўрнатилган ҳолати аниқланди.
Ҳолат юзасидан тегишли тартибда масъул ташкилотлар иштирокида ўрганиш ишлари амалга оширилиб, юқорида номлари қайд этилган мактаб ва мактабгача таълим муассасасига ўрнатилган қуёш панеллари тадбиркор иштирокида ечилиб, олиб кетилиш чоралари кўрилмоқда.
Қайд этилишича, аниқланган камчиликларга бефарқ бўлмаслик юзасидан тегишли масъул ходимларга тушунтириш ишлари амалга оширилган.
Изоҳ (0)