“Mehridaryo” loyihasiga namanganlik Jabborova Iqboloy murojaat qilib, to‘rt yildan buyon qon kasalligini bilan kurashayotgan o‘g‘li Diyorbek Abbosovni Turkiyada davolatish uchun xalqdan yordam so‘ramoqda.
— O‘g‘lim Diyorbek Abbosovga 2019-yil murakkab turdagi anemiya kasalligi tashhisini qo‘yishgan. Ya’ni uning iliklarida qon ishlab chiqarish to‘xtagan. Shifokorlar “Faqatgina tashqaridan qon quydirib yurishingiz mumkin”, deyishgan. AQSHdan dori olib kelinsa, bolaning ahvoli yaxshi bo‘lishini aytishgandi. Bor imkoniyatimizni ishga solib, 40 ming AQSH dollariga dori olib keltirdik. Bir yildan keyin esa yana 6 ming AQSH dollari turadigan dorini olib kelishimizni so‘rashdi.
To‘rt yildan buyon kasalxonada yashayapmiz. Uyga bir marta boramiz va qoni yomonlashgach, yana kasalxonaga qaytib kelamiz. O‘g‘limning ahvoli xuddi yonilg‘i quyilgan mashinaga o‘xshaydi. Qon quyilsa yaxshi yuradi, bo‘lmasa ahvoli birdan yomonlashadi. Hech kimning bolasi kasal bo‘lmasin ekan. Ko‘zidan, burnidan hatto peshobidan ham qon oqadi.
Ilik ko‘chirish operatsiyasini qilish kerak deyishdi. Bunday amaliyot O‘zbekistonda o‘tkazilmagani uchun Turkiyaga bordik. Katta o‘g‘lim donar bo‘ldi. Men Diyorbek bilan kasalxonada bo‘lsam, katta o‘g‘lim bilan dadasi Turkiyada og‘ir mehnatda ishlashdi. Chunki kasalxona harajatlari juda qimmat ekan. Hozir yana jarrohlik amaliyotidan keyingi ko‘rik uchun Turkiyaga borishimiz kerak. Toshkentdagi shifokorlar davolasholmayapti. Klinika bilan gaplashsam bir hafta davolanish uchuni 15 ming AQSH dollari to‘lov qilish kerakligini aytishdi. To‘rt yil ichida sotadigan narsamiz ham qolmadi. Iltimos yaxshi insonlar o‘g‘limning davolanishi uchun qo‘lingizdan kelgancha yordam qiling. Uning sog‘ayib ketishiga ishonaman, — deydi bemorning onasi.
Abbosov Diyorga xayriya qilishni istasangiz,
8600 0423 1780 4994
9860 0801 8621 1993
Jabborova Iqboloy
Murojaat uchun: 94) 175-42-20
Izoh (0)