“Mehridaryo” loyihasiga xorazmlik Matluba Matyozova murojaat qilib, qon kasalligiga chalingan o‘g‘li Abdumajid Ismoilovni davolatish uchun xalqdan yordam so‘radi.
— O‘g‘lim 2020-yildan buyon Respublika qon quyish markazida ro‘yxatda turadi. O‘tgan vaqt mobaynida olingan davo muolajalaridan hech qanday natija bo‘lmayapti. Kasallik turi yanada og‘irlashmasligi uchun uni Turkiya davlatida davolatish kerakligini aytishdi. Bu kasallik to‘g‘ri yo‘nalish bo‘yicha davolansa tuzalib ketar ekan. Vaqtida chora ko‘rilmasa ilik qurishi yoki oqqon kasalligiga chalinish ehtimoli bor deyishyapti.
Turmush o‘rtog‘imning ham yuragi hasta, ayni paytda Xozaraspdagi kasalxonada davolanyapti. Ishlashni istaydi, ammo sog‘ligi tez-tez pand beradi.
2020-yili o‘g‘limning kasalligi aniqlangach, uni davolatish uchun uyimizni sotgandik. Endi kvartirada yashayapmiz. Xorazmda bu turdagi kasallikni davolash imkoni yo‘q. Shu bois Toshkentda davolanishimizga to‘g‘ri keladi. Dorilar juda qimmat, davlatimizga ming rahmat kasalxona hisobidan 30-40 millionli dori-darmonlarni bepul berishadi. Kasalxonada yo‘q paytlari esa o‘z hisobimizdan sotib olishga majbur bo‘lamiz.
O‘g‘lim endigina 11 yoshga to‘ldi. U ham tengdoshlari singari o‘ynab-kulishni, maktablarda o‘qishini istayman. Ammo 2-3 qadam yursa charchab, suv bo‘lib terlab ketadi.
Aziz yurtdoshlar o‘g‘limga sog‘liqni avvalambor Allohimdan so‘rayman. U har narsaga bandasini sababchi qiladi deyishadi. Sizlardan umidim katta o‘g‘limni davolatish uchun qo‘lingizdan kelgancha yordam qiling, — deydi bemorning onasi Matluba Matyozova.
Abdumajid Ismoilovga xayriya qilishni istasangiz,
8600 0417 9870 3360
9860 1701 0199 1983
Matyozova Matlyuba
Murojaat uchun telefon: +(99899) 922-75-08
Izoh (0)