АҚШнинг энг йирик банклари кутилганидан кўпроқ даромад олди

Американинг бир қанча минтақавий банклари банкрот бўлиши ва Швейцариянинг иккинчи йирик банки Credit Suisse қулаши ортидан бозордаги оғир вазиятга қарамай, йилнинг дастлабки уч ойида АҚШдаги банкларнинг асосий молиявий кўрсаткичлари таҳлилчилар прогнозларидан ошиб кетди. Бу ҳақда “Коммерсант” хабар берди.

JPMorgan Chase, Citigroup ва Wеlls Fargo АҚШнинг энг яхши бешлик банклари орасида мос равишда биринчи, учинчи ва тўртинчи ўринларни эгаллайди.

Маълумотларга кўра, JPMorgan даромади ҳар чоракда 52 фоизга ўсиб, 12,6 миллиард долларни ёки ҳар бир акция учун 4,1 долларни ташкил этди.

Фойдаси эса 25 фоизга ошиб, 38,3 миллиард долларни ташкил этди, бу банк учун рекорд даража.

FactSet томонидан сўралган таҳлилчилар даромадни 36,1 миллиард доллар ва ҳар бир акция учун 3,41 долларни ташкил этишини прогноз қилишган.

Citigroup’нинг биринчи чоракдаги соф фойдаси 4,6 миллиард долларни (7 фоизга ўсиш) ёки ҳар бир акцияси 2,19 долларни ташкил этди. Даромади эса 21,4 миллиард долларни ташкил этиб, бу чоракда 12 фоизга ўсди.

Refinitiv томонидан сўралган таҳлилчилар банкни 4,3 миллиард доллар фойда ва қарийб 19,99 миллиард доллар даромад олишини кутишган.

АҚШнинг тўртинчи йирик банки Wеlls Fargo биринчи чоракдаги фойдаси 32 фоизга ошиб, 4,99 миллиард долларга ёки ҳар бир акция учун 1,23 долларга етганини хабар қилди. Банк даромади 17 фоизга ўсиб, 20,73 миллиард долларни ташкил этди.

Аввалроқ АҚШ банкларининг кредитлари 105 млрд долларга камайгани ҳақида хабар берилганди.