Dunyoning eng badavlat odami, LVMH guruhi egasi Bernard Arnoning boyligi 13-aprel kuni 12 milliard dollarga oshgan va hozirda 237,8 milliard dollarni tashkil qilmoqda. Bu haqda Bloomberg xabar berdi.
Agentlik ma’lumotlariga ko‘ra, bu Arno uchun rekord summa, shuningdek, boylikning bir kunlik o‘sishi bo‘yicha ikkinchi eng yirik ko‘rsatkichdir.
Hozirda eng boy odamlar reytingining ikkinchi o‘rnida 180 milliard dollar boyligi bilan biznesmen Ilon Mask turibdi.13-aprel kuni u ham 3,8 milliard dollar ishlab topgan.
Bloomberg ta’kidlashicha, Arno Mask ustidan o‘z yetakchiligini mustahkamlamoqda va allaqachon “tadbirkorni chang ostida qoldirgan”.
LVMH (Louis Vuitton Moët Hennessy) — moda, poyabzal, soatlar, zargarlik buyumlari, parfyumeriya, kosmetika, spirtli ichimliklar, sumkalar va boshqalar kabi yuqori sifatli mahsulotlarni ishlab chiqarish va sotishga ixtisoslashgan ko‘p tarmoqli fransuz korporatsiyasi.
Korporatsiya nafaqat Louis Vuitton, Moёt va Hennessy, balki Christian Dior, Fendi, Givenchy, Kenzo, Mark Jacobs, Bulgari, Hublot va boshqalarni o‘z ichiga olgan ko‘plab mashhur brendlarga ega. Arno oilasi LVMH ustav kapitalining 48 foiziga egalik qiladi.
Avvalroq Bernard Arno qanday qilib dunyodagi eng badavlat odamga aylangani haqida ma’lumot berilgan edi.
Izoh (0)