Футбол бўйича Англия Премьер Лигасининг 31-туридан ўрин олган ўйинлар 15 апрель, шанба куни бўлиб ўтди.
“Челси” ўз майдонида “Брайтон”ни қабул қилди. Учрашувнинг 13-дақиқасида Конор Галлаҳер ҳисобни очди. Биринчи бўлим сўнгида Данни Уэлбек мувозанатни тиклади.
Иккинчи бўлимда меҳмонлар фаолроқ ҳаракат қилди. 69-дақиқада Хулио Энсисо “Брайтон”ни ҳисобда олдинга олиб чиқди. Ўйин 2:1 ҳисобида “Брайтон”нинг ғалабаси билан якунланди.
Ушбу ғалабадан сўнг “Брайтон” очколари сонини 49 тага етказиб, 7-ўринни эгаллади. “Аристократлар” эса 39 очко билан 11-ўриндан жой олган.
“Тоттенҳэм” эса “Борнмут”га қарши баҳс олиб борди ва 2:3 ҳисобида имкониятни бой берди. “Борнмут” сафида Матиас Вина, Доминик Соланке ва Данго Уоттара гол урган бўлса, “шпорлар” сафида Сон Ҳён Мин ва Арнаут Данжума ўз ҳисобига гол ёздириб қўйди.
Лондонликлар 53 очко билан 5-ўринни банд этиб турибди. “Борнмут” эса 33 очко билан 14-поғонани банд этган.
АПЛ
31-тур баҳслари
15 апрель, шанба
“Челси” – “Брайтон” 1:2
Голлар: 1:0 – 13 Галлаҳер, 1:1 – 42 Уэлбек, 1:2 – 69 Энсисо.
“Челси”: Аррисабалага, Чалоба, Бадяшил, Фофана (Жеймс, 57), Чилуэлл, Закария (Маунт, 74), Пулишич (Зиёш, 56), Галлаҳер, Мудрик, Фернандес (Ковачич, 57), Стерлинг (Жоау Феликс, 57).
“Брайтон”: Санчес, Велтман (Энсисо, 28), Данк, Уэбстер (ван Хекке, 86), Эступиньян, Гросс, Марч, Мак Аллистер, Кайседо, Митома, Фергюсон (Уэлбек, 39).
Огоҳлантиришлар: Велтман (4), Галлахер (45), Чалоба (51), Санчес (77).
“Тоттенҳэм” – “Борнмут” 2:3
Голлар: 1:0 – 14 Сон Ҳён Мин, 1:1 – 38 Виня, 1:2 – 51 Соланке, 2:2 – 88 Данжума, 2:3 — 90+5 Уоттара.
“Тоттенҳэм”: Льорис, Порро, Дайер, Лангле (Санчес, 35; Данжума, 58), Ромеро, Перишич, Ҳёйберг, Кулусевски, Скипп (Ришарлисон, 77), Сон Ҳён Мин, Кейн.
“Борнмут”: Нето, Стивенс, Келли, Мифем, Виня (Смит, 49), Таверне (Уоттара, 79), Лерма, Кристи (Энтони, 66), Ротуэлл, Биллинг (Сенеси, 79), Соланке.
Огоҳлантиришлар: Кристи (45), Стивенс (45), Перишич (58).
Изоҳ (0)