AQSHning Texas shtati g‘arbidagi fermada yuz bergan portlash va yong‘in oqibatida 18 ming boshdan ortiq sigir nobud bo‘ldi, deb xabar bermoqda Reuters agentligi Kastro okrugi sherifiga tayanib.
Yong‘in 10-aprel kuni Dimmit shahri yaqinidagi South Fork Dairy fermasida sodir bo‘lgan. Fermadagi hayvonlar va sigirlar butunlay olov ichida qolgan. O‘t o‘chiruvchilar ferma ishchisini qutqarib olgan. Yong‘inga nima sabab bo‘lgani noma’lum.
Amerika hayvonlarni himoya qilish institutining ta’kidlashicha, Texasda sodir bo‘lgan voqea institut kuzatuvlari tarixida qoramollar bilan bog‘liq eng yirik yong‘in bo‘ldi.
This tragic incident is the deadliest barn fire involving cattle since at least 2013, when AWI first began tracking #barnfires. Farms must do more to protect animals by adopting commonsense fire safety measures. https://t.co/e7gnmZqbcy
— Animal Welfare Institute (@AWIOnline) April 13, 2023
Har yili yuz minglab qishloq xo‘jaligi hayvonlari fermalardagi yong‘inlarda nobud bo‘ladi, deya qo‘shimcha qildi Hayvonlarni himoya qilish instituti. So‘nggi o‘n yil ichida, tashkilot hisob-kitoblariga ko‘ra, bunday yong‘inlarda jami 6,5 millionga yaqin hayvon, asosan qushlar nobud bo‘lgan.
Hayvonlarni himoya qilish instituti AQSH hukumatini kelajakda bunday yong‘inlarning oldini olish uchun federal qonunlar qabul qilishga chaqirdi. Hozir atigi bir nechta shtatlarda (Texas ular qatorida emas) fermalardan omborlarda yong‘in xavfsizligi choralarini ko‘rishni talab qiluvchi qonunlar bor.
Izoh (0)