АҚШнинг Техас штати ғарбидаги фермада юз берган портлаш ва ёнғин оқибатида 18 минг бошдан ортиқ сигир нобуд бўлди, деб хабар бермоқда Reuters агентлиги Кастро округи шерифига таяниб.
Ёнғин 10 апрель куни Диммит шаҳри яқинидаги South Форк Даирй фермасида содир бўлган. Фермадаги ҳайвонлар ва сигирлар бутунлай олов ичида қолган. Ўт ўчирувчилар ферма ишчисини қутқариб олган. Ёнғинга нима сабаб бўлгани номаълум.
Америка ҳайвонларни ҳимоя қилиш институтининг таъкидлашича, Техасда содир бўлган воқеа институт кузатувлари тарихида қорамоллар билан боғлиқ энг йирик ёнғин бўлди.
This tragic incident is the deadliest barn fire involving cattle since at least 2013, when AWI first began tracking #barnfires. Farms must do more to protect animals by adopting commonsense fire safety measures. https://t.co/e7gnmZqbcy
— Animal Welfare Institute (@AWIOnline) April 13, 2023
Ҳар йили юз минглаб қишлоқ хўжалиги ҳайвонлари фермалардаги ёнғинларда нобуд бўлади, дея қўшимча қилди Ҳайвонларни ҳимоя қилиш институти. Сўнгги ўн йил ичида, ташкилот ҳисоб-китобларига кўра, бундай ёнғинларда жами 6,5 миллионга яқин ҳайвон, асосан қушлар нобуд бўлган.
Ҳайвонларни ҳимоя қилиш институти АҚШ ҳукуматини келажакда бундай ёнғинларнинг олдини олиш учун федерал қонунлар қабул қилишга чақирди. Ҳозир атиги бир нечта штатларда (Техас улар қаторида эмас) фермалардан омборларда ёнғин хавфсизлиги чораларини кўришни талаб қилувчи қонунлар бор.
Изоҳ (0)