Sochiqlaringiz yumshoq bo‘lishi uchun mutaxassislar maslahatiga amal qiling. Besh yulduzli maxsus kir yuvish xonalarida har kuni hammomdan chiqishingiz yoqimli bo‘lishi uchun mas’ul bo‘lgan odamlar ishlaydi. Xo‘sh, nega bunday usullarni uy sharoitida qo‘llab ko‘rmaslik kerak? Shunday qilib yumshoq sochiq qoidalari bilan tanishing.
Kamroq mato yumshatuvchi (konditsioner) qo‘shing
Bu paradoksmi? Yo‘q. Konditsionerning ko‘p miqdori shunchaki yuvilib ketmaydi va matoni qattiq qilib qo‘yadi.
Sochiqlarni 30 darajadan yuqori haroratda yuvish kerak
Bu ularni dezinfeksiya qilish uchun kerak. Lekin mato xira tortmasligi uchun ularni zinhor qaynata ko‘rmang. Yuvish uchun ideal harorat 40 daraja va bioaktiv kir yuvish vositasi.
Sirka
Yuvish vaqtida bir qopqoq to‘la oq sirka qo‘shing, faqat sirka boshqa bir suyuqlik bilan aralashmagan bo‘lsin. So‘ng barabandan yumshoq va “hurpaygan” sochiqlarni oling.
Batareyalarda quritmang
Sochiqlarni quritgichga osib qo‘ying va ularni nihoyatda quritib yubormang, shunda sochiq dag‘allashib qolmaydi.
Sifatli sochiqlarni sotib oling
Sochiq zichligi bir kvadrat metr uchun 500 grammdan kam bo‘lmasligi kerak. Sochiqda mato iplari qancha ko‘p bo‘lsa, xizmat vaqtida shuncha yumshoq bo‘lib qoladi. Yupqa sochiqlar bir necha marta yuvilgach ingichkalashib qoladi.
Hech qachon oqartirish vositasini ishlatmang
Bu bilan sochiq rangi xira tortib qoladi.
Yuvayotganda kir yuvish mashinasiga ortiqcha kir solmang
Qanchalik ko‘p sochiq solsangiz, matoda shunchalik ko‘p kir yuvish kukuni qoladi.
Agar quritish mashinasidan foydalansangiz
Barabanga sochiq bilan birga toza tennis to‘plarini ham tashlang. Keyin koptokchalar quritish chog‘ida sochiqqa qanday ta’sir qilganiga baho berasiz.
Izoh (0)