Сочиқларингиз юмшоқ бўлиши учун мутахассислар маслаҳатига амал қилинг. Беш юлдузли махсус кир ювиш хоналарида ҳар куни ҳаммомдан чиқишингиз ёқимли бўлиши учун масъул бўлган одамлар ишлайди. Хўш, нега бундай усулларни уй шароитида қўллаб кўрмаслик керак? Шундай қилиб юмшоқ сочиқ қоидалари билан танишинг.
Камроқ мато юмшатувчи (кондиционер) қўшинг
Бу парадоксми? Йўқ. Кондиционернинг кўп миқдори шунчаки ювилиб кетмайди ва матони қаттиқ қилиб қўяди.
Сочиқларни 30 даражадан юқори ҳароратда ювиш керак
Бу уларни дезинфекция қилиш учун керак. Лекин мато хира тортмаслиги учун уларни зинҳор қайната кўрманг. Ювиш учун идеал ҳарорат 40 даража ва биоактив кир ювиш воситаси.
Сирка
Ювиш вақтида бир қопқоқ тўла оқ сирка қўшинг, фақат сирка бошқа бир суюқлик билан аралашмаган бўлсин. Сўнг барабандан юмшоқ ва “ҳурпайган” сочиқларни олинг.
Батареяларда қуритманг
Сочиқларни қуритгичга осиб қўйинг ва уларни ниҳоятда қуритиб юборманг, шунда сочиқ дағаллашиб қолмайди.
Сифатли сочиқларни сотиб олинг
Сочиқ зичлиги бир квадрат метр учун 500 граммдан кам бўлмаслиги керак. Сочиқда мато иплари қанча кўп бўлса, хизмат вақтида шунча юмшоқ бўлиб қолади. Юпқа сочиқлар бир неча марта ювилгач ингичкалашиб қолади.
Ҳеч қачон оқартириш воситасини ишлатманг
Бу билан сочиқ ранги хира тортиб қолади.
Юваётганда кир ювиш машинасига ортиқча кир солманг
Қанчалик кўп сочиқ солсангиз, матода шунчалик кўп кир ювиш кукуни қолади.
Агар қуритиш машинасидан фойдалансангиз
Барабанга сочиқ билан бирга тоза теннис тўпларини ҳам ташланг. Кейин коптокчалар қуритиш чоғида сочиққа қандай таъсир қилганига баҳо берасиз.
Изоҳ (0)