Kiyimlarni yuvgach, unda dog‘lar qolgan bo‘lsa, bu katta ehtimol bilan sizning noto‘g‘ri harakatingiz natijasi deyish mumkin. Dog‘ qolgan kiyimni dazmollamang. Bu bilan holatni yanada yomonlashtirasiz.
Nima uchun dog‘ni qanday ketkazishni bilish zarur?
Kiyimingizni kimyoviy tozalashga olib borganingizda, ehtimol, sizga savol berishar: “O‘zingiz dog‘ni ketkazishga harakat qildingizmi?” Ko‘pincha javob ha bo‘ladi. Mutaxassis nima qo‘llaganingizni aniq bilishi kerak, chunki sizning noto‘g‘ri harakatlaringiz teskari natijaga olib kelishi mumkin. Mutaxassislar dog‘larni oziq-ovqat, kosmetika, dorivor, maishiy va boshqalarga ajratadilar.
Har bir dog‘ matoda o‘ziga xos tarzda iz qoldiradi va har xil turdagi erituvchilarni (neytralizatorlarni) talab qiladi. Dog‘ni qanday tanib olish va uni nima qilish kerakligini ular mutaxassislar bilishadi. Buni bilishimiz shart emas, lekin kiyimni o‘zingiz yuvmoqchimisiz yoki uni kimyoviy tozalashga olib borasizmi, nima qilmaslik kerakligini yodda saqlash muhim.
Uzoq kutish
Bu ko‘pchiligimiz qiladigan eng katta xato. Darhaqiqat, agar tezda harakat qilsangiz, deyarli har qanday dog‘dan xalos bo‘lish mumkin. Ammo bu har doim ham ilojsiz...
To‘g‘ri: kiyimni o‘sha kuni yoki ertasiga yuving. Agar yuva olmasangiz yoki yuvish natija bermasligidan qo‘rqsangiz, kiyimni imkon qadar tezroq kimyoviy tozalashga olib boring.
Noto‘g‘ri: boshqa kir kiyimlarga qo‘shib qo‘yish va yuvish uchun kirlar to‘planguncha bir hafta kutish (kir yuvish mashinasini bitta bluzka tufayli ishlatmang). Yoki kiyimni paketga joylab kimyoviy tozalashga olib borish uchun bo‘sh vaqt bo‘lishini kutish.
Dog‘ni ishqalash
Mato borgan sari yupqalashib borayotganini oddiy ko‘z bilan ilg‘ash qiyin emas. Ishqalagan sari dog‘ qoladi va atrofidagi mato eskirgan va xira tortgan ko‘rinishga keladi.
To‘g‘ri: qog‘oz sochiq yoki toza, quruq latta oling va dog‘ni yengil bosim bilan artib oling.
Noto‘g‘ri: matoni mushtingizda ushlab, qattiq ishqalash, uni cho‘tka yoki shimgichning qattiq tomoni bilan tozalashga harakat qilish.
Qanchalik ko‘p vaqt o‘tsa, dog‘ni ketkazish shunchalik qiyin bo‘ladi.
Tozalashni markazdan boshlash
Tozalashni markazdan boshlaganda dog‘ har tomonga tarqaladi, natijada ifloslangan yuzaning maydoni oshadi.
To‘g‘ri: dog‘ni chetdan markazga qarab tozalashni boshlang.
Noto‘g‘ri: dog‘ni har tomonga yoyib yuborish. Dog‘ yo‘qoladi, lekin uning hajmi kattalashadi.
Dog‘larni issiq suv bilan yuvish
Hech qachon dog‘ ustiga issiq suv quymang. Yuqori haroratdan ba’zi turdagi dog‘lar to‘qimalarga zichroq joylashadi.
To‘g‘ri: dog‘ni faqat iliq suvda yuvish kerak. Bu kimyoviy tozalashga olib boriladigan narsalarga ham tegishli.
Noto‘g‘ri: suvning harorati qanchalik baland bo‘lsa, dog‘ni ketkazish ehtimoli shunchalik yuqori bo‘ladi deb o‘ylash.
Oqartirgichdan foydalanish
Oqartirish vositasi nozik matolarga zarar yetkazishi mumkin bo‘lgan qattiq kimyoviy moddadir. Agar kiyim sizga qadrli bo‘lsa, uni xavf ostiga qo‘ymagan ma’qul.
To‘g‘ri: dog‘ tushgan qimmat kiyimni kimyoviy tozalashga olib borgan yaxshi. Buni qanchalik tez qilsangiz, shuncha ijobiy natija olasiz.
Noto‘g‘ri: oqartirgich har qanday dog‘ni ketkazadi deb o‘ylash. Katta ehtimol bilan o‘zingizni buning teskarisiga bir necha bor guvoh bo‘lasiz.
Qimmatbaho kiyimlarga layfxaklarni qo‘llashdan avval tekshiring
Internetda dog‘ni soch turmagini qotiradigan sprey yoki tirnoqdagi lakni ketkazish vositasi bilan yo‘qotishi haqida juda ko‘p shubhali layfxaklar bor. Bunday tajribalar eng avval eski futbolkalar, xalatlar yoki sport kiyimlarida amalga oshiriladi, chunki natijani har doim oldindan aytib bo‘lmaydi.
To‘g‘ri: yuqorida o‘qigan hamma ko‘rsatmalarga amal qiling, dog‘ni chetidan markazga qog‘oz sochiq bilan artib oling, iloji bo‘lsa, dog‘ni iliq suvda yuving va hokazo.
Noto‘g‘ri: dog‘ni aseton (tirnoqlarni tozalash vositasi), ammiak, benzin va boshqalar bilan ishqalash.
Mavzuga doir:
Izoh (0)