AQSHda inflyatsiya 5 foizgacha pasaydi

Mart oyida AQSHda inflyatsiya yillik hisobda 5 foizni tashkil etdi. Ma’lumotlar AQSH Mehnat vazirligi tomonidan e’lon qilindi. 

Tahlilchilar mart oyida inflyatsiya 5,2 foiz bo‘lishini kutgan edi. Shu tariqa AQSHda narxlarning o‘sish sur’ati ketma-ket to‘qqizinchi oy sekinlashmoqda. Iyun oyida inflyatsiya 9,1 foizni tashkil qilgandi. 

Mart oyida benzin narxi fevral oyiga nisbatan 4,6 foizga, elektr energiyasi narxi esa 0,7 foizga pasaygan. 

Turli toifadagi energiya mahsulotlaridan tashqari, eskirgan avtomobillar (0,9 foizga), tibbiy xizmatlar (0,5 foizga) va oziq-ovqat mahsulotlari (0,3 foizga) iste’mol narxlari ham pasaygan. 

Bu 2020-yil sentabr oyidan beri oziq-ovqat mahsulotlari narxining birinchi marta pasayishi.

Shu bilan birga, mart oyida transport xizmatlari (1,4 foizga), kafe va restoranlarda oziq-ovqat (0,6 foizga), yangi avtomobillar (0,4 foizga), kiyim-kechak (0,3 foizga) va boshqa ayrim tovarlar narxi qimmatlashgan.

AQSH dunyodagi eng yirik iqtisodiyotga ega ekanligi sabab undagi inflyatsiya ko‘rsatkichlari global moliya bozoriga ham ta’sir qiladi. AQSH Mehnat vazirligi tomonidan e’lon qilingan ma’lumotlardan so‘ng bitkoin 400 dollarga qimmatladi. 

Mamlakatda inflyatsiya Federal zaxira tizimi (Fed) tomonidan asosiy stavkaning oshirilishi fonida pasayib bormoqda.