O‘zbekistonda soliq tushumlari 37,8 trln so‘mdan oshdi

Joriy yilning I choragi davomida O‘zbekistonning soliq tushumlari 37,8 trln so‘mdan ortdi. Bu haqda Soliq qo‘mitasining matbuot xizmati xabar berdi.

Ma’lumotlarga ko‘ra, mart oyida soliq tushumlari 12,5 trln so‘mga yetgan. Yanvar oyida bu ko‘rsatkich 11,9 trln so‘mni, fevral oyida esa 13,4 trln so‘mni tashkil etgan edi.

Bu davrda foyda solig‘idan 9,5 trln so‘m kelib tushgan. Bu o‘tgan yilning mos davriga nisbatan 392,4 mlrd so‘mga yoki 8,6 foizga ko‘p.

Shuningdek, birinchi chorakda QQSdan 8,4 trln so‘m, JSHODSdan 6,6 trln so‘m, yer qa’ridan foydalanganlik uchun soliqdan 3,5 trln so‘m, yer solig‘idan 1,4 trln so‘m kelib tushgan.

Bundan tashqari, bu davrda mol-mulk solig‘idan 1,3 trln so‘m, suv resurslaridan foydalanganlik uchun soliqdan 205,8 mlrd so‘m o‘sishga erishildi.

Ta’kidlanishicha, aksiz solig‘idan 3,3 trln so‘m undirilib, yakuniy iste’molchilarga realizatsiya qilishda to‘lanadigan aksiz solig‘idan (Ai-80 benzini uchun) imtiyoz berilgani sababli tushumlar o‘tgan yilning mos davriga nisbatan 5,8 mlrd so‘m yoki 0,2 foizga kamaygan.

O‘zbekistonda eng ko‘p soliq Toshkent shahri (6 trln so‘m), Toshkent (1,5 trln so‘m) hamda Samarqand (1,1 trln so‘m) viloyatlaridan kelib tushgan.