Joriy yilning mart oyida O‘zbekistonda kelgusi 12 oy uchun aholining inflyatsion kutilmalari 14,4 foiz, biznes vakillariniki esa 14,1 foiz bo‘lmoqda. Bu haqda Markaziy bank infografika taqdim etdi.
Inflyatsion kutilmalar — turli guruhlar bo‘yicha mos javobni belgilagan aholi sonining o‘sha javoblar o‘rtacha qiymatiga ko‘paytmalari yig‘indisini jami aholi soniga nisbati (o‘rtacha ko‘rsatkich).
Mart oyida aholi va tadbirkorlarning inflyatsion kutilmalari yanvarga nisbatan pasaygani kuzatildi. Yil boshida aholining inflyatsion kutilmalari 18,9 foizga, tadbirkorlarning kutilmalari esa 18,7 foizga yetgan. Bu davrda inflyatsiya 12,2 foiz bo‘lgan.
Biznesmenlar va aholining yarmi narxlar oshishiga valyuta kursining o‘zgarishi asosiy omil bo‘lishini ta’kidlagan (mos ravishda 51 va 50 foiz).
Ularning uchdan biri ish haqi va nafaqalarning oshishi kelgusi bir yilda narxlar oshishiga ta’sir ko‘rsatishini kutmoqda (mos ravishda 38 va 34 foiz.
So‘rovnoma qatnashchilarining katta qismi narxlar oshishi 12 oy ichida 9-12 foiz atrofida bo‘lishini kutmoqda. Mart oyida narxlar 17-20 foizga yuqorilashini kutayotgan odamlar soni yanvar—fevralga nisbtan oshgan bo‘lsa, 31-50 foizga o‘sishini kutayotgan odamlar soni avvalgi oylarga nisbatan kamaygan.
Hududlar kesimida eng ko‘p narxlar Buxoro va Namangan viloyatlarida oshishi kutilmoqda — 15,8 foiz.
Keyingi o‘rinlarda esa Toshkent shahri (15,4 foiz), Andijon va Samarqand (14,8 foiz) viloyatlarida narxlar o‘sishi nisbatan baland foizlarda kutilmoqda.
Avvalroq dollar taqchilligi tufayli jahon bozorlari inqirozga yuz tutayotgani haqida xabar berilgandi.
Izoh (0)