Ўзбекистонда солиқ тушумлари 37,8 трлн сўмдан ошди

Жорий йилнинг I чораги давомида Ўзбекистоннинг солиқ тушумлари 37,8 трлн сўмдан ортди. Бу ҳақда Солиқ қўмитасининг матбуот хизмати хабар берди.

Маълумотларга кўра, март ойида солиқ тушумлари 12,5 трлн сўмга етган. Январь ойида бу кўрсаткич 11,9 трлн сўмни, февраль ойида эса 13,4 трлн сўмни ташкил этган эди.

Бу даврда фойда солиғидан 9,5 трлн сўм келиб тушган. Бу ўтган йилнинг мос даврига нисбатан 392,4 млрд сўмга ёки 8,6 фоизга кўп.

Шунингдек, биринчи чоракда ҚҚСдан 8,4 трлн сўм, ЖШОДСдан 6,6 трлн сўм, ер қаъридан фойдаланганлик учун солиқдан 3,5 трлн сўм, ер солиғидан 1,4 трлн сўм келиб тушган.

Бундан ташқари, бу даврда мол-мулк солиғидан 1,3 трлн сўм, сув ресурсларидан фойдаланганлик учун солиқдан 205,8 млрд сўм ўсишга эришилди.

Таъкидланишича, акциз солиғидан 3,3 трлн сўм ундирилиб, якуний истеъмолчиларга реализация қилишда тўланадиган акциз солиғидан (Ai-80 бензини учун) имтиёз берилганлиги сабабли тушумлар ўтган йилнинг мос даврига нисбатан 5,8 млрд сўм ёки 0,2 фоизга камайган.

Ўзбекистонда энг кўп солиқ Тошкент шаҳри (6 трлн сўм), Тошкент (1,5 трлн сўм) ҳамда Самарқанд (1,1 трлн сўм) вилоятларидан келиб тушган.