APL. “Arsenal” “Liverpul”ga qarshi o‘yinda 2 to‘p farqi bilan oldinga borib, g‘alabani qo‘ldan chiqardi

Futbol bo‘yicha Angliya Premyer Ligasining 30-turida “Liverpul” 9-aprel, yakshanba kuni “Arsenal”ni qabul qildi.

Uchrashuvning 8-daqiqasida Gabriel Martinelli londonliklarni hisobda oldinga olib chiqdi. 28-daqiqada Gabriel Jezus oradagi farqni ikkitaga yetkazdi. Birinchi bo‘lim oxirlab borayotgan vaqtda Muhammad Saloh “qizillar”ning javob to‘pini kiritdi.

Ikkinchi bo‘lim boshida maydon egalari penalti ishlab oldi, biroq Saloh 11 metrlik jarima zarbasini golga aylantirolmadi. 87-daqiqada Roberto Firmino qanotdan uzatilgan to‘pni boshi bilan darvozaga joylab qo‘ydi. Qolgan daqiqalar “Liverpul”ning katta ustunligi ostida o‘tdi, biroq darvozalar boshqa ishg‘ol etilmadi.

“Arsenal” 73 ochko bilan hamon peshqadam bo‘lib turibdi va bitta zaxira o‘yiniga “Manchester Siti”ni 6 ochkoga ortda qoldiryapti. “Liverpul” 44 ochko bilan 8-pog‘onani band etgan.

APL

30-tur bahslari

9-aprel, yakshanba

“Liverpul” – “Arsenal” 2:2

Gollar: 0:1 – 8 Martinelli, 0:2 – 28 Gabriel Jezus, 1:2 – 42 Saloh, 2:2 – 87 Firmino.

“Liverpul”: Alisson, Aleksander-Arnold, van Deyk, Konate, Robertson, Henderson, Fabinyo (Firmino, 78), Jons (Tiago Alkantara, 60), Saloh, Diogu Jota (Nunyes, 60), Gakpo.

“Arsenal”: Remsdeyl, Uayt, Holding, Gabriel, Zinchenko (Tirni, 88), Jaka, Parti, Edegor (Kiver, 80), Saka, Martinelli, Gabriel Jezus (Trossard, 80).

Ogohlantirishlar: Uayt (23), van Deyk (31), Jaka (41), Aleksander-Arnold (41), Robertson (45), Remsdeyl (53), Fabinyo (55), Saka (84).

“Lids” – “Kristal Pelas” 1:5

Gollar: 1:0 – 21 Bemford, 1:1 – 45 Gexi, 1:2 – 53 Ayyu, 1:3 – 55 Eze, 1:4 – 69 Eduar, 1:5 – 77 Ayyu.