AQSHning Mayami shahrida O‘zbekiston vaqti bilan 9-aprel tongida UFC 287 musobaqasi o‘tkazildi.
Musobaqaning asosiy jangi o‘rta vazn toifasi chempioni Aleks Pereyra va sobiq chempion Israel Adesanya o‘rtasida bo‘lib o‘tdi. Jangning ikkinchi raundida Adesanya qarshi hujumda raqibiga kuchli zarbalar yo‘llab, Pereyrani chuqur nokaut holatiga tushirdi.
Shu tariqa Adesanya titulni qaytarib oldi. 2022-yilning noyabr oyida Pereyra 5-raunddagi nokaut evaziga Israeldan kamarni tortib olgandi.
Yana bir markaziy janglardan biri yarim o‘rta vazn toifasi vakillari Gilbert Byorns va Xorxe Masvidal o‘rtasida kechdi. Jangning dastlabki raundi teng kurashlar ostida o‘tdi, keyingi ikki raundni Byorns o‘z foydasiga hal qildi va ochkolar evaziga g‘alaba qozondi.
Mazkur jangdan keyin Masvidal 20 yillik faoliyatdan keyin MMA’dan ketishini ma’lum qildi.
UFC 287 natijalari bilan quyidagi tanishing:
Asosiy kard
- Israel Adesanya 2-raundda Aleks Pereyrani nokautga uchratdi;
- Gilbert Byorns ochkolar evaziga Xorxe Masvidalni yutdi;
- Rob Font 1-raundda Adrian Yanezni nokaut qildi;
- Kevin Holland 3-raundda Santiago Ponsinibbioni nokautga uchratdi;
- Kristian Rodriges ochkolar evaziga Raul Rosasdan ustun keldi.
Prelim kard
- Kevin Gastelum ochkolar evaziga Kris Kyortisni mag‘lubiyatga uchratdi;
- Luana Pineyro ochkolar evaziga Uoterson-Gomesni yutdi;
- Jozef Payfer 1-raundda Jerald Mirshertni 1-raundda nokautga uchratdi;
- Lupita Gonides ochkolar evaziga Sintilya Kalvilyoni yengdi;
- Ignasio Bahamondes ochkolar evaziga Trey Ogdenni mag‘lub etdi;
- Stiv Garsiya 2-raundda Shayilan Nuerdanbiekeni nokaut qildi;
- Sem Hyuz ochkolar evaziga Jaklin Amorimni yutdi.
Izoh (0)