Futbol bo‘yicha O‘zbekiston Superligasining 5-turidan o‘rin olgan ikkita o‘yin 9-aprel, yakshanba kuni bo‘lib o‘tdi.
“OKMK” va “Navbahor” jamoalari “Jar” stadionida o‘zaro bahs olib bordi. Uchrashuvning birinchi bo‘limida hisob ochilmadi. Ikkinchi bo‘lim boshida Jamshid Iskandarov penaltini aniq amalga oshirgan holda namanganliklarni oldinga olib chiqdi.
64-daqiqadagi avtogoldan keyin muvozanat tiklandi. 74-daqiqada Ruben Sanches “OKMK”ning hujumini gol bilan yakunladi. Qolgan vaqtda hisob o‘zgarishsiz qoldi.
Yana bir o‘yin “Nasaf” va “Surxon” jamoalari o‘rtasida kechdi. O‘yinning 29-daqiqasida Lima Kruz Qarshi klubining dastlabki golini urdi. Bunga mehmonlar birinchi bo‘limda Silvanus Nimelining goli bilan javob qaytardi.
62-daqiqada Asadbek Karimov penaltini aniq ijro etgan holda termizliklarni oldinga olib chiqdi. Bunga “Nasaf” Javohir Siddiqov va Sherzod Narzullayevning gollari bilan javob qildi.
Mazkur natijalardan keyin “OKMK” va “Nasaf” ochkolarini 10 taga yetkazib olgan holda 3 va 4-o‘rinlarga ko‘tarildi. “Navbahor” esa uchinchi o‘rindan 5-pog‘onaga tushib ketdi. “Surxon” 7 ochko bilan 6-o‘rinda qolmoqda.
Superliga
5-tur bahslari
9-aprel, yakshanba
“OKMK” – “Navbahor” 2:1
Gollar: 0:1 – 57, penalti Iskandarov, 1:1 – 63, avtogol Jo‘raboyev, 2:1 – 75 Sanches.
“OKMK”: 25.Valijon Rahimov, 2.Akrom Komilov (11.Irakli Ruxadze, 65), 3.Sardor Rahmonov, 5.Anzur Ismoilov, 7.Dilshod Ahmadaliyev (13.Eldor Begimov, 90+2), 8.Abdulla Abdullayev, 10.Xurshid G‘iyosov, 17.Sanjar Tursunov (15.Oybek Rustamov, 82), 22.Shohrux Gadoyev, 27.Martin Boakye (9.Ruben Sanches, 65), 88.Siavash Xaqnazariy (14.Mirjahon Mirahmadov, 90+2).
“Navbahor”: 1.O‘tkir Yusupov, 5.Milosh Milovich, 6.Ibrohim Yo‘ldoshev, 7.Oston O‘runov, 10.Jamshid Iskandarov, 14.Jamshid Boltaboyev, 17.Abror Ismoilov (9.Farrux Ikromov, 84), 21.Temurxo‘ja Abduxoliqov (11.Shohruz Norxonov, 73), 22.Igor Golban, 23.Yovan Jokich, 27.Shahboz Jo‘rabekov (77.Asadbek Sobirjonov, 78).
Ogohlantirishlar: Komilov (41), Boltaboyev (47), Ruxadze (89).
“Nasaf” – “Surxon” 3:2
Gollar: 1:0 – 29 Kruz, 1:1 – 35 Nimeli, 1:2 – 62, penalti Karimov, 2:2 – 67, avtogol Potapov, 3:2 – 76 Nasrullayev.
“Nasaf”: 35.Abduvohid Ne’matov, 4.Husniddin Aliqulov, 5.G‘olib G‘aybullayev, 7.Akmal Mozgovoy, 8.Zafarmurod Abdirahmatov, 9.Javohir Siddiqov (17.Suhrob Nurulloyev, 87), 19.Mateus Lima, 34.Sherzod Nasrullayev, 77.Oybek Bozorov, 92.Umarbek Eshmurodov, 99.Azizbek Omonov (18.Bahrom Abdurahimov, 70).
“Surxon”: 1.Artyom Potapov, 2. Bobur Asqarov, 3. Sunnatulloh Hamidjonov, 6. Artyom Sokal, 7. Doston Tursunov (99. Komron Saydazimov, 81), 8. Humoyun Sherbo‘tayev, 18. Silvanus Nimeli, 19. Nuriddin Hasanov, 27. Asilbek Jumayev (15. Diyor Ramazonov, 85), 66. Behruz Shaydulov, 77. Asadbek Karimov.
Ogohlantirishlar: Ne’matov (60), Hamidjonov (70), Nimeli (90+6).
Izoh (0)