A Seriya. Turning markaziy o‘yinida “Yuventus” “Latsio”ga mag‘lub bo‘ldi

Futbol bo‘yicha Italiya A Seriyasining 29-turida “Yuventus” va “Latsio” 8-aprel, shanba kuni o‘zaro bahs olib bordi.

Uchrashuvning 38-daqiqasida Milinkovich-Savich “Latsio”ni hisobda oldinga olib chiqdi. Oradan 4 daqiqa o‘tib, Adrien Rabyo muvozanatni tikladi. Birinchi bo‘lim 1:1 hisobi bilan yakunlandi.

Ikkinchi bo‘limda mezbonlar yana bir bor hisobda oldinga chiqib oldi. 53-daqiqada Zakkani “Latsio”ning ikkinchi goliga mualliflik qildi. Shu tariqa turinliklar 1:2 hisobida mag‘lub bo‘ldi. 

“Latsio” ochkolari sonini 58 taga yetkazdi va 2-o‘ringa mustahkam o‘rnashdi. “Yuventus” esa 44 ochko bilan 7-o‘rinda qoldi.

A Seriya

29-tur bahsi

8-aprel, shanba

“Latsio” – “Yuventus” 2:1

Gollar: 1:0 – 38 Milinkovich-Savich, 1:1 – 42 Rabyo, 2:1 – 53 Zakkanyi.

“Latsio”: Provedel, Marushich, Romanyoli, Kazale, Hyusay, Luis Alberto, Kataldi (Vesino, 70), Milinkovich-Savich, Felipe Anderson, Zakkani (Bashich, 84), Immobile (Pedro, 65).

“Yuventus”: Shensni, Aleks Sandro, Bremer, Gatti, Kuadrado (Danilo, 70), Kostich (Kyeza, 63), Di Mariya, Rabyo, Lokatelli (Paredes, 63), Fajoli (Miretti, 86), Vlahovich (Milik, 63).

Ogohlantirishlar: Bonuchchi (41), Aleks Sandro (45), Lokatelli (45), Kuadrado (51), Provedel (78), Milinkovich-Savich (86), Miretti (90).