General Motors xarajatlarni kamaytirish choralari doirasida ishchi kuchini 5 000 kishiga qisqartiradi. Bu haqda Bloomberg xabar berdi.
Ma’lumotlarga ko‘ra, kompaniya bu uchun xodimlariga tovon puli taklif qiladi.
Guruhning moliyaviy direktori Pol Jeykobsonning so‘zlariga ko‘ra, qisqartirishlar xodimlarning 6 foiziga ta’sir qiladi. Bu orqali kompaniya 1 milliard dollar tejaydi.
Biz ixtiyoriy ta’til dasturi uchun pul to‘lamoqchi edik, majburiy ishdan bo‘shatishning oldini olish uchun qo‘limizdan kelganini qilmoqchi edik, — dedi Jeykobson.
Biznes iqtisodiyoti milliy assotsiatsiyasi (NABE) avvalroq AQSH kompaniyalarining qariyb 20 foizi iqtisodiy vaziyat yomonlashgani sababli o‘z xodimlarini ishdan bo‘shatishi mumkinligini ta’kidlagan edi.
Goldman Sachs banki 3,2 ming ishchini qisqartirishni boshladi. Microsoft 2023-yilda taxminan 10 ming xodimni ishdan bo‘shatish rejasini e’lon qildi.
The Wall Street Journal avvalroq chop etgan hisob-kitoblariga ko‘ra, AQSHda yil davomida retsessiya va ishsizlik ortib boradi.
Avvalroq Zoom 1 300 nafar xodimini ishdan bo‘shatayotgani haqida xabar berilgandi.
Izoh (0)