General Motors харажатларни камайтириш чоралари доирасида ишчи кучини 5 000 кишига қисқартиради. Бу ҳақда Bloomberg хабар берди.
Маълумотларга кўра, компания бу учун ходимларига товон пули таклиф қилади.
Гуруҳнинг молиявий директори Пол Жейкобсоннинг сўзларига кўра, қисқартиришлар ходимларнинг 6 фоизига таъсир қилади. Бу орқали компания 1 миллиард доллар тежайди.
Биз ихтиёрий таътил дастури учун пул тўламоқчи эдик, мажбурий ишдан бўшатишнинг олдини олиш учун қўлимиздан келганини қилмоқчи эдик, — деди Жейкобсон.
Бизнес иқтисодиёти миллий ассоциацияси (NАBЕ) аввалроқ АҚШ компанияларининг қарийб 20 фоизи иқтисодий вазият ёмонлашгани сабабли ўз ходимларини ишдан бўшатиши мумкинлигини таъкидлаган эди.
Голдман Сачс банки 3,2 минг ишчини қисқартиришни бошлади. Microsoft 2023 йилда тахминан 10 минг ходимни ишдан бўшатиш режасини эълон қилди.
The Wall Street Journal аввалроқ чоп этган ҳисоб-китобларига кўра, АҚШда йил давомида рецессия ва ишсизлик ортиб боради.
Аввалроқ Zoom 1 300 нафар ходимини ишдан бўшатаётгани ҳақида хабар берилганди.
Изоҳ (0)