O‘zbekistonda endilikda advokatlik litsenziyasini olishda yuridik mutaxassislik bo‘yicha ikki yillik ish staji talabi bekor qilinadi. Bu haqda Oliy Majlis qonunchilik palatasi axborot xizmati xabar berdi.
Oliy Majlis Qonunchilik palatasining navbatdagi majlisida “Advokatura to‘g‘risidagi qonunga o‘zgartish kiritish haqida”gi qonun loyihasi deputatlar tomonidan qabul qilindi. Mazkur loyihaga ko‘ra, advokatlik litsenziyasini olishga imtihon topshirish uchun talabgor shaxsning yuridik mutaxassislik bo‘yicha kamida 2 yillik ish stajiga ega bo‘lishi talabini bekor qilish belgilanmoqda.
Maʼlum qilinishicha, bugungi kunda mamlakatda 4 ming 625 nafar advokat faoliyat yuritmoqda. Shundan 30 yoshgacha bo‘lganlari soni atigi 51 nafar, 50 yoshdan oshgan advokatlar soni esa 2 ming 619 nafarni tashkil qilmoqda. Umumiy hisobda har 7,6 ming aholiga bitta advokat to‘g‘ri kelmoqda.
Izoh (0)