Andijon viloyati Shahrixon tumanidagi bog‘chalarning birida “Open budget”da ovoz to‘plashga majburlanayotgani haqida xabarlar tarqaldi. Viloyat maktabgacha taʼlim boshqarmasi mazkur xabarlarni rad etdi.
Xabarga ko‘ra, viloyat maktabgacha taʼlim boshqarmasi tomonidan surishtiruv ishlari olib borildi. Surishtiruv natijalariga ko‘ra tumandagi davlat maktabgacha taʼlim tashkilotlarida bunday holat aniqlanmagan.
Shuningdek, boshqarma aholidan maktabgacha taʼlim tizimida muammolar hamda murojaatlar bo‘lsa ishonch telefonlariga qo‘ng‘iroq qilishni so‘ragan.
Avvalroq Maktabgacha va maktab taʼlimi vazirligi o‘qituvchilarga ushbu loyihada ovoz yig‘ish uchun majburiy topshiriq berilayotgani, topshiriqni bajarishga eʼtiborsiz qarayotgan o‘qituvchilarga kerakli chora ko‘rish bilan tahdid qilinayotgani to‘g‘risida xabarlar vazirlik tomonidan jiddiy o‘rganilayotganini ma’lum qilgandi.
Izoh (0)