Istanbulning Baxcheliyevler tumanida 60 yoshli erkak 40 yoshli o‘zbekistonlik ayolni tosh bilan o‘ldirib, jasadini maydalab, muzlatkichga qo‘ygani haqida xabar berilgandi. O‘zbekistonning Istanbul shahridagi Bosh konsulxonasi bu bo‘yicha maʼlumot berdi.
Xabarga ko‘ra, marhuma U.T. R.B. bilan taxminan 3 yildan buyon birga yashab kelgan bo‘lgan. Ularning o‘rtalarida uzoq vaqtdan beri davom etib kelgan kelishmovchilik tufayli R.B. uni qasddan o‘ldirishni oldindan rejalashtirgan. Holat yuzasidan qo‘zg‘atilgan jinoyat ishi bo‘yicha hibsga olingan R.B. o‘z aybiga iqror bo‘lgan.
Qayd etilishicha, 29-mart kuni marhumaning jasadini O‘zbekistonga yuborish va yaqinlariga topshirishda Bosh konsulxona tomonidan yaqindan amaliy yordam ko‘rsatilgan. Bosh konsulxona R.B.ga nisbatan jazo muqarrarligi taʼminlanishini alohida kuzatib bormoqda.
Izoh (0)