“Vagner” xususiy harbiy kampaniya egasi Yevgeniy Prigojin 2-aprel kuni tunda Baxmut qo‘lga olinganini e’lon qildi va go‘yoki shahar ma’muriyati binosi fonida video suratga oldi. Xabar “Prigojinning matbuot xizmati” Telegram kanalida e’lon qilindi.
“Qonuniy ravishda Baxmutni qo‘lga oldik. Ma’muriyat va butun markaziy kvartalni o‘z qo‘liga olgan komandirlar bu belgilarni osib qo‘yadi”, — deya Prigojin qo‘lidagi bayroqga ishora qilgan.
“Vagner” asoschisi Ukraina qo‘shinlari Baxmutdagi g‘arbiy kvartallarni hamon ushlab turganini qayd etdi. Prigojinning bayonotiga qaramay, Ukraina Qurolli kuchlari Bosh shtabi Baxmutning “qonuniy qo‘lga olingani” haqidagi ma’lumotni tasdiqlamadi. Ertalabki xabarda Ukraina qo‘mondonligi Baxmut, Avdeevka va Marinkada jangovar harakatlar davom etayotganini ma’lum qildi.
“Rossiya Qurolli kuchlarining harakatlanishi sekinlashdi”
Britaniyalik harbiy tahlilchi va iste’fodagi vitse-marshal Shon Bell “Vagner” tomonidan e’lon qilingan video Baxmut ma’muriyatidan 400 metr uzoqlikda joylashganini aniqladi. Rossiya kuchlari markaziy qismda oldinga siljimoqda, ammo Ukraina kuchlari Baxmutdagi ta’minot liniyalarini hamon nazorat qilmoqda. U so‘nggi paytlarda shahardagi rus hujumlarining intensivligi 25 foizga kamaydi.
Tahlilchining ta’kidlashicha, Baxmut 1200 kilometrlik front chizig‘idagi jadal to‘qnashuvlar bo‘layotgan issiq nuqta hisoblanadi. Misol tariqasida Avdeyevkani ruslar ikki oydan beri qurshab olishga uringan va hozir ularning hujumlari amalda to‘xtadi.
Izoh (0)