“Вагнер” хусусий ҳарбий кампания эгаси Евгений Пригожин 2 апрель куни тунда Бахмут қўлга олинганини эълон қилди ва гўёки шаҳар маъмурияти биноси фонида видео суратга олди. Хабар “Пригожиннинг матбуот хизмати” Telegram каналида эълон қилинди.
“Қонуний равишда Бахмутни қўлга олдик. Маъмурият ва бутун марказий квартални ўз қўлига олган командирлар бу белгиларни осиб қўяди”, — дея Пригожин қўлидаги байроқга ишора қилган.
“Вагнер” асосчиси Украина қўшинлари Бахмутдаги ғарбий кварталларни ҳамон ушлаб турганини қайд этди. Пригожиннинг баёнотига қарамай, Украина Қуролли кучлари Бош штаби Бахмутнинг “қонуний қўлга олингани” ҳақидаги маълумотни тасдиқламади. Эрталабки хабарда Украина қўмондонлиги Бахмут, Авдеевка ва Маринкада жанговар ҳаракатлар давом этаётганини маълум қилди.
“Россия Қуролли кучларининг ҳаракатланиши секинлашди”
Британиялик ҳарбий таҳлилчи ва истеъфодаги вице-маршал Шон Белл “Вагнер” томонидан эълон қилинган видео Бахмут маъмуриятидан 400 метр узоқликда жойлашганини аниқлади. Россия кучлари марказий қисмда олдинга силжимоқда, аммо Украина кучлари Бахмутдаги таъминот линияларини ҳамон назорат қилмоқда. У сўнгги пайтларда шаҳардаги рус ҳужумларининг интенсивлиги 25 фоизга камайди.
Таҳлилчининг таъкидлашича, Бахмут 1200 километрлик фронт чизиғидаги жадал тўқнашувлар бўлаётган иссиқ нуқта ҳисобланади. Мисол тариқасида Авдеевкани руслар икки ойдан бери қуршаб олишга уринган ва ҳозир уларнинг ҳужумлари амалда тўхтади.
Изоҳ (0)