La Liga. “Real” o‘z uyida raqib darvozasiga javobsiz 6 ta gol urdi, Benzemadan het-trik

Futbol bo‘yicha Ispaniya La Ligasining 27-turida “Real” o‘z uyida “Valyadolid”ni qabul qildi.

Uchrashuvning 22-daqiqasida Rodrigo madridliklarni hisobda oldinga olib chiqdi. Tanaffusga qadar Karim Benzema raqib darvozasini uch bor aniq nishonga olib, hisobni yirik ko‘rinishga keltirdi.

73-daqiqada Marko Asensio jamoasining beshinchi golini urgan bo‘lsa, hakam tomonidan qo‘shib berilgan vaqtda Lukas Vaskes yakuniy hisobni o‘rnatdi.

“Real” ushbu g‘alaba evaziga ochkolarini 59 taga yetkazib oldi va ikkinchi o‘rinda bormoqda. Madridliklar peshqadam “Barselona”dan 12 ochko ortda qolmoqda. “Valyadolid” esa 28 ochko bilan 16-pog‘onadan joy olgan.

La Liga

27-tur bahslari

2-aprel, yakshanba

“Real Madrid” – “Valyadolid” 6:0

Gollar: 1:0 – 22 Rodrigo, 2:0 – 29 Benzema, 3:0 – 32 Benzema, 4:0 – 36 Benzema, 5:0 – 73 Asensio, 6:0 – 90+1 Vaskes.

“Real Madrid”: Kurtua, Alaba (Valyexo, 69), Militao, Kamavinga, Kroos, Tchuameni, Vaskes, Asensio, Vinisius Junior (Sebalyos, 69), Rodrigo (Odriosola, 82), Benzema (Azar, 65).

“Valyadolid”: Asenxo, Peres (Kike Peres, 46), Xoakin Fernandes, El-Yamik, Fresneda, Lukas Roza (Torres, 61), Mesa (Plano, 46), Ongla (Aguado, 46), Monchu, Plata (Amalla, 70), Leon.

Ogohlantirish: Fresneda (64).

“Selta” – “Almeriya” 2:2

Gollar: 0:1 – 7 Babich, 1:1 – 10 Seferovich, 1:2 – 32 Puchmal, 2:2 – 42 Karles Peres.