Ла Лига. “Реал” ўз уйида рақиб дарвозасига жавобсиз 6 та гол урди, Бенземадан ҳет-трик

Футбол бўйича Испания Ла Лигасининг 27-турида “Реал” ўз уйида “Вальядолид”ни қабул қилди.

Учрашувнинг 22-дақиқасида Родриго мадридликларни ҳисобда олдинга олиб чиқди. Танаффусга қадар Карим Бензема рақиб дарвозасини уч бор аниқ нишонга олиб, ҳисобни йирик кўринишга келтирди.

73-дақиқада Марко Асенсио жамоасининг бешинчи голини урган бўлса, ҳакам томонидан қўшиб берилган вақтда Лукас Васкес якуний ҳисобни ўрнатди.

“Реал” ушбу ғалаба эвазига очколарини 59 тага етказиб олди ва иккинчи ўринда бормоқда. Мадридликлар пешқадам “Барселона”дан 12 очко ортда қолмоқда. “Вальядолид” эса 28 очко билан 16-поғонадан жой олган.

Ла Лига

27-тур баҳслари

2 апрель, якшанба

“Реал Мадрид” – “Вальядолид” 6:0

Голлар: 1:0 – 22 Родриго, 2:0 – 29 Бензема, 3:0 – 32 Бензема, 4:0 – 36 Бензема, 5:0 – 73 Асенсио, 6:0 – 90+1 Васкес.

“Реал Мадрид”: Куртуа, Алаба (Вальехо, 69), Милитао, Камавинга, Кроос, Тчуамени, Васкес, Асенсио, Винисиус Жуниор (Себальос, 69), Родриго (Одриосола, 82), Бензема (Азар, 65).

“Вальядолид”: Асенхо, Перес (Кике Перес, 46), Хоакин Фернандес, Эл-Ямик, Фреснеда, Лукас Роза (Торрес, 61), Меса (Плано, 46), Онгла (Агуадо, 46), Мончу, Плата (Амалла, 70), Леон.

Огоҳлантириш: Фреснеда (64).

“Сельта” – “Алмерия” 2:2

Голлар: 0:1 – 7 Бабич, 1:1 – 10 Сеферович, 1:2 – 32 Пучмал, 2:2 – 42 Карлес Перес.