Toshkent viloyatining Oqqo‘rg‘on tumanidagi 17-maktab o‘quvchilari darsga kiritilmay, SIM karta sotib olish uchun uylariga jo‘natilgani aytilgan videoxabarlar tarqaldi.
Videoda aks etgan bolalarning so‘zlariga ko‘ra, ularga 10 ming so‘mdan 20 ming so‘mgacha pul olib kelish tayinlangan.
Toshkent viloyati hokimligi holatga munosabat bildirib, vaziyat viloyat hokimi o‘rinbosari Otabek Sultonbekov tomonidan nazoratga olinib, o‘rganish boshlanganini e'lon qildi.
Hokimlik o‘z munosabatida bugungi kunda keng ommalashib, xalq ovoziga aylanib borayotgan “Open budjet" kompaniyasini bunday talqin qilish, bolalardan foydalanishni oqlab bo‘lmasligi bildirilib, yaqin soatlarda holat bo‘yicha batafsil va asoslantirilgan axborot berilishi ma’lum qilindi.
Izoh (0)